കത പറയുമ്പോൾ

"അമ്മേ ഒരു കത പറയ്"
"ഏതു കതയാ രവിയേ?"
"ലുട്ടാപ്പീന്റെ കത, കൊമളയൂതുന്നേ."
"ഒരു ദിവസം ലുട്ടാപ്പി കുന്തത്തില് പോയപ്പളില്ലേ... എന്താ പറ്റീത്?"
"അറീത്തില്ല"
"കൊറേ ചേട്ടന്മാര് കളിക്കുന്നു. അപ്പോ ലുട്ടാപ്പി എന്താ ചെയ്തേ?"
"അറീത്തില്ല. അമ്മ ടോമിന്റെ കത പറയ്"
"ടോമും ജെറിയും വഴക്കിട്ടു. എന്നിട്ട് ടോം ജെറിയെ ഓടിച്ചു. അപ്പോ എന്താണ്ടായേ?"
"ടോം പൊർഗില് ഓടി, ജെറി പൊർഗില് ഓടി"
"അപ്പോ എന്താണ്ടായേ"
"അറീത്തില്ല. അമ്മ സിമ്പത്തിന്റെ കത പറയ്."
"അമ്മ മടുത്തു കണ്ണാ. ഇനി നീ പറയ്."
"ഒരു ദിവസില്ലേ ... ഗോമായുക്കുറുക്കൻ കാട്ടിൽനിന്നും നാട്ടിലെത്തി. നാട്ടിലെ പട്ടികളുണ്ടോ വിടുന്നു. ഒരു ആടിന്റെ പേരാണ് കുട്ടൻ, മറ്റേ ആടിന്റെ പേരാണ് മുട്ടൻ... ജംബുകൻ പറഞ്ഞു: കുട്ടാ നീ മുട്ടന്റെ പോരിനുവിളിക്കണം. അപ്പോളില്ലേ ടോമും ജെറിയുമില്ലേ ഒറ്റ ഓട്ടം. എന്നിട്ടില്ലേ പഷ്കിനില്ലേ കുഞ്ഞു ബൂബൂയ്ക്കില്ലേ എക്കിൾ വന്നു. ടോം പൊർഗിൽ ഓടി.. ബാബാ പൊർഗിൽ ഓടി. അപ്പോൾ..."
ചാനൽ മാറ്റിയപ്പോൾ ഭാഗ്യത്തിന് അതാ കുഞ്ഞയ്യപ്പൻ.
"അമ്മേ അത് മതി. ഞാൻ കാണട്ടെ."
കത പറച്ചിലിന് ഒരു ചെറിയ ഇടവേള, ഭാഗ്യം! ഒരു കതയും മുഴുവൻ പഠിക്കേണ്ട!





എഴുതിയത്
രാജലക്ഷ്മി
സ്വദേശം ചേർത്തല
അദ്ധ്യാപിക